昨晚食完飯要去荃灣遵理做Facebook live，臨行之前老婆話做曲奇，回家有得食，回到家老婆話做曲奇失敗了，好似仲未熟，我話唔熟唔緊要，焗多一次，不過個名就唔係叫曲奇，而係叫餅干，但我仍然有曲奇食，因為遵理Andy 送了一盒名牌曲奇給我。

老婆話，昨日中午同一位大媽食飯，食到一肚氣，原來大媽收到一張一千元coupon ，不過要食兩千元才可以用，兩個人中午食兩千元，本來都冇問題，但侍應知道用coupon，立刻口黑面黑，仲有，出品又貴又唔好食，所以一肚氣，哈哈，點解咁似BNO，其實 ，BNO就好似一張coupon，如果有，唔用又唔低，用了就一肚氣，但始終有很多香港人會用，英國佬這招的確高。